Jo Khial Thay Na Qayaas Thay Vohi Log Mujhse Bichar Gae
Jo Muhabaton K Asaas Thay Vohi Log Mujhse Bichar Gae
Jinhe Maanta Hi Nahi Ye Dil Vohi Log Mere Hein Humsafar
Mujhe Her Terhan Se Jo Raas Thay Vohi Log Mujhse Bichar Gae
Mujhe Lamha Bhar Ki Rafaqaton Kay Saraab Aur Sataein Gay
Meri Umr Bhar Ki Jo Piyaas Thay Vohi Log Mujhse Bichar Gae
Jinhein Qabool Ker Saka Na Mein Vo Shareek Rah Safar Hue
Jo Meri Talab Meri Aas Thay Vohi Log Mujhse Bichar Gae
Meri Dharkanon K Qareeb Thay Meri Chah Thay , Mera Khwab Thay
Vo Jo Roz o Shab Mere Paas Thay Vohi Log Mujhse Bichar Gae .
No comments:
Post a Comment